Alter-Ego

Mërzinë time e fsheh thellë

2011-05-26T13:00:00.000+03:00

Mërzinë time e fsheh thellë
në një qoshëz të zemrës e mbyt
pastaj bëhet kotkë në stomak
E kockat me dhëmbë ia përtyp

Mërzinë të shkretën e bëj hi
E djeg me një cigare buzëve
Atëherë kur fundi i vjen i zi
Varrin ia bëj në rrënjë të luleve

Mërzinë time e ndaj me veten
Pa kuptim mërzia ime si gjithnjë
Kështu dhe sot kjo natë e premte
Të grindem nuk paskërkam askënd

2011-03-02T11:59:00.000+02:00

Antony

2010-10-06T10:04:00.001+03:00

Antony, mos vdis kësaj vjeshte.
Se ky pikëllim i kuqërremtë i natyrës duhet ndjerë në asht,
dhe muzgun kur ngjit fytyrën qelqeve me brymë,
eh, dhe liqenin e hirtë e të heshtur, pa një shpend.
Por asnjë vjeshtë nuk është njësoj,
as dashuritë.
Pa gjak Antony…pa gjak do kjo jetë.

Në fund të fundit, Antony
Kjo është jeta,
I njëjti diell që lind
Të njëjta dhe perëndimet.
Fati ynë nuk është i njëjtë.
Ndaj kur të zgjohesh mëngjesin tjetër
eja më trego historitë e tua, i kthjellët,
Për zhgënjimin tënd me zonjën Mina
E për natën e ndarjes që u rrahët paq.
Për të shtunën që desh vrave veten për pak.
Tregomë gjithçka…

O Zot më dhimbsesh.
Ta marrë e mira, sa shumë që ngjajmë…

Ketu do te mbetet gjithcka

2009-11-03T12:26:00.003+02:00

Ketu do te mbeten….
Shega e care ne parvaz
dhe perendimi i purpurte pa dashuri i se djeles.
Sandalet me take te thyer
dhe hutimi im atehere .

Ketu do te mbeten…
Dy pjata mbi tavoline
dhe te ngrenat ne heshtje

si pika e fundit e gezimit,
ca fije flokesh mbi kreher
dhe fytyra ime e lodhur ne pasqyre.

Fryn ere e marre sot dhe
nuk degjove as kercitjen e deres qe u mbyll……..

Si te ta pershkruaj furine e shpirtit

2009-10-08T10:07:00.003+03:00

(sikur te ishte dashuria diell
dhe jo shkendije qe ndizet e shuhet tek njeriu)

Bela shpirt….
Ti nuk di nje gje,
Qe vjeshtes dashuria ime ngathtesohet
dhe
se si me kercen gjoksi nga dhembshuria per ty.
Por nuk eshte vone kurre t’i njohesh heronjte,
O zemër…

Bekoje Zot, farën e dashurisë!

* * *

2009-10-08T09:25:00.002+03:00

Heshta dhe une, kaq e pata
Muaj mjalti gjithmone nuk do kete
Nje mbremje vjeshte te vone u vrava
Dhe tani lexoj te tjere poete

Ka lumenj qe thahen dalngadale
E me pas te kujton se c’ish aty dikur
Por ka pastaj lumenj te rrembyer
Qe thelle tyre fshehin nje qivur

Besome mike, tjeterkund mos rrefe
Nje trishtim ne shpirt po me pikon
E humba fjalen, ma vodhen per be
E as te vdes me nuk gjej kohe.

* * *

2009-04-25T02:43:00.003+03:00

Iku dhe kjo pranvere,
Me nje kurore lulesh mbi floke,
Gjinj zberthyer ,
Pak e vrenjtur.

Iku ,
Dhe me la dy zogj te trembur ne sy,
Krahe mbledhur...

...

2009-04-07T13:45:00.002+03:00

Me derdhet trupit drita e mengjesit,
Me ngjeth,
Me kullon ne shpirt.
O muzika me e embel, dua te te pi.

Margarit’ e vogel ne ballkon, fillikat,
Ka qeshur dje papritur,
Kur fjeti mbi te nje flutur me krahe te bardhe.
Dashte i madhi zot qe e pashe!

O miqte e mi te braktisjes,
Erdhi dhe ky prill.
Me qiell te vranet,
Me nje barre shi.
Pa lajmetare…

Une, jam ende gjalle!

Kenga e fundit

2009-03-23T10:46:00.006+02:00

Gjithcka e merr era kaq cuditshem
dhe vuajtjen time te embel, atehere
Dhe te qeshuren tende pa arsye sot.
O thonj te padukshem
qe po me grisni shpirtin frikshem!

Mos plas po deshe…mos derdh nje perrua lot

Degjo atehere, nga une te fundit kenge.
Deshira jote kjo i dashur a nuk ish?
Por ne qofte keshtu , sa keq me vjen,
Gjithcka qe desha e akoma nuk kam bere.

Mos plas po deshe…veten mos e vraj

Kjo ishte e gjitha….Fillim dimri,
nje qiell qe shkrepetimash u hap
Nje zemer e mbledhur grusht dhe
aureola qe si mjegull u shpernda

Mos plas po deshe….ne vend mos vdis

Nuk e di se c’ze nga shpirti do t’me dale
apo buzet a do t’me binden lehtesisht?
Por nese kenga nuk zbret fare permbi to,
Nga te carat, do te zvarritet ndonje fjale,
……se deshira jote kjo i dashur ish’.

Trishtim....

2009-03-05T08:47:00.000+02:00

…..eja të qajmë së bashku.
Për telin e violinës që u këput
dhe për të bardhin pëllumb që pashë dje
të rrëzohej vrik nga fluturimi.

!

2009-01-30T15:27:00.000+02:00

Cdo dite e me shume
Me pak flas
Me pak degjoj
Me pak i dua dhe njerezit

Nuk pate faj qe me the “lamtumire”

Nje jave dimri

2009-01-23T10:19:00.010+02:00

E hene

Po ruaj Henen
Dhe i druhem syve te saj pas perdes.
Paska kuptim vetmia
kur degjon fishkellimen e eres nen prag.

E marte

Fusha me fytyre te bardhe.
Liqeni i hirte me sy te akullt.
I bie kokes me grusht per te kujtuar
si ka qene ketu me pare…

E merkure

Lemoj nje poezi
Por ne sy ka rene mjegulla.
Qaj dimrin
Dhe s’kam me se t’i fshij lotet.
……..perdor letren e poezise
Dhe faqet m’u nxine.

E enjte

Asgje nuk pipetin,
Pervec girlandes qe hallakatet ne ballkon.
Trishtimi kercet ne vater.
Nje shkendije paska dashur
Qe te shperthente.

E premte

Bien kembanat e kishes se Shen Joanit.

Humbasin ritmin.

Humbas dhe une ne gjume te dyte.
Moren flake perdet
Nga qiriri i harruar ndezur ,
Nje nate me pare.

E shtune

Zgjohem me dhimbje koke.
Ora 8…
Shtepia vjen arome kafe.
Paske ardhur shpirt,
Si pranvere e heret…

E diele

Me turbullon xhelozia.
Eksploroj imtesisht poret ne trupin e tij.
Na ze nata duke u endur neper buze.
Nuk flasim per mallin.

Dielli sot kishte dhembe te mprehte.
U mavijos qielli ne muzg.

Therrmim

2009-01-16T09:59:00.005+02:00

I fshehem syte nen nje re te vaket lotesh
Dhe duart i lidhem ne kraharor.
Nuk prekemi me….
Keshtu shpallem denimet ne heshtje
dhe kotemi qiellit krahekeputur.
Nuk puthemi me…
U verbuam zemer
Jemi te shurdher
Nuk kemi me uri….

Sa te paskam lodhur…..

Po shpirtit , me se t'ia ve flaken tani ?

O Zot, na ruaj mendt' e kokes!

2008-12-19T11:55:00.004+02:00

Me ndez kjo mbremje kaq papritur,
Shkelqimin qe ne sy pati humbur.
Dhe ja hena si nje vetull e ngritur,
Me naze i nduk pemet si nje flutur.

Fllad i vaket qe faqkat me gudulis,
Me kthen vite prapa ate nate....
Kur te dy mbeshtetur nen nje pishe,
U zhytem nje puthjeje te gjate.

Dhe dridhesha si nje zog ne mes te shiut,
Se nuk dija c’ishte puthja e vertete.
Ti me luteshe, "e dashur edhe pak,
se e nesermja nuk dihet cfare sjell".

I lutesha dhe une zemres nga brenda,
te mos mbaronte kurre ajo nate.
Deshmitar ishin yjet dhe hena,
ti Adami, une isha Eva, per nje cast…

O moshe e vyer! Kthehu dhe njehere,
se pasqyra ka nisur e me perqesh.
Harroi se kam qene dhe une dikur,
syth i brishte i celur ne pranvere.

Ndaj kjo mbremje me ndez papritur,
Shkelqimin qe ne sy pati humbur,
Ndjenje e embel, trupin ma rrengjeth,
Si tis i bardhe nga qielli i ndritur.

Maria

2008-12-18T12:23:00.008+02:00

Brenda gjoksin tend femeror tani te plakur
flutura e kahershme eshte ende gjalle
Dhe ti pikturon mureve krahet e saj te grisur.
Ata sy moj,ata sy te fisshem
dua te t’i puth.
C’pikellimin i blerte te paska ngrire!
Ah moj Maria xhan...

Kohen per flokesh dot s'e kap...

2008-12-13T13:22:00.002+02:00

…..Une te puthja gjithnje mengjeseve
Per te prekur driten kur zgjohej nen qerpik .
Nga buza ne buze kercente puthja e veste
si drenushe lozanjare, here lehte e here vrik

Por tani po humbasim njeri-tjetrin,
pranveren e te tjerat stine që lamë pas.
Ndersa vitet nga prapa teksa ndjekim,
harrojme t’i japim vetes me te voglin gaz.

Vjen nje kohe dhe kujtojme ate qe humbem
e per pak ndalemi tek nje album,
dhe cuditemi si vitet iken vrullshem,
sa paskemi ndryshuar cuditemi aq shume.

….Une te puthja gjithnje mengjeseve,
Ndersa tani shoh boren qe zbardh nga pak
neper floket tane dhe trishtë me vjen
se kohen per flokesh dot s’e kap….

Apologji nga toka e diellit

2008-12-01T10:58:00.003+02:00

Në Malin e Shenjtë, murgjërit shpallen lirinë e tyre.
E rrethuan me mur dhe shkrojtën në derë:
Ndalohen gratë!

O zemër, ngriji velat e pëlhurta
Dhe lundro deri ne Itakë.

Nga maja e Kamára-s,
pëllumbat nuk zbresin asnjëherë.
Janë të bindur se paqja nuk është në tokë.

O zëmer, bëhu e vetëdijshme
Itaka ndodhet larg.

Anijet dremitin në portin e Thermaiko.
Marinarët bekojnë tokën sepse
dashuria mund të flas dhe në gjuhë tjetër.

O zemër,as vdekja nuk paska kuptim.
Po kujt i shërben ringjallja, o zemër?

Një grua qëndron ulur në breg.
Heq kepucët dhe prek ujin me gishtërinjtë e këmbëve.
Një burrë i gjunjëzohet dhe në dorë i vendos një guaskë.

O zemër, kam filluar të kuptoj gjuhën e perëndive
E kjo nuk është shenjë e mbarë..

Në bedenat e Kështjellës se Bardhë,
Ciceroni tregon me gisht Olimpin përballë.
Ca me tutje, kërthiza e botës.

O zemër, bëhu tapë,
Itaka ndodhet në fund të gotës…

Monolog 2

2008-11-21T10:32:00.004+02:00

Monolog 2

(ne ajer)

U lodha se qeni grua….
Ndaj i kam dhjere enet e palara
Dhe punet e shtepise i kam dhjere
Dhe takat qe do burri im t’i vesh.
E kam dhjere dhe kreherin,
dje e hodha ne plehra,
e i lashe floket rremuje.
Rremuje, si krevati im me carcafet e panderruar.
U lodha se qeni e mire,
Ndaj e kam dhjere qenin e lig te zonjes M.
Dhe dashurine e shtirur per burrin e saj sakat,
Verejtjet e saj te bezdisura per rrobat qe harroj ne tel,
E kam dhjere dhe pianisten e tharte mbi mua….
Po me cmend ky qytet !
Me cmendin grate me barre qe lypin semaforeve,
E poshte fustanit nuk kane te veshura asgje.
Kurva, mermerijne shoferet
dhe ne duar i ngjeshin centet gjithe meshire.
Kurva,them dhe une….

O Perendi!
Me jep nje jete pushim,
Se u dashka kellqe te jesh grua dhe njeri….

Nena mberdhin…….nga vetmia

2008-11-10T11:23:00.003+02:00

Nena mberdhin…….nga vetmia

Thur triko neteve te mardhura.
Triko leshi te trasha, shumengjyreshe.
Kur i mbaron,i ve emer seciles,
i lan ne perrenj lotesh dhe me pas i palos,
i mbeshtjell bukur dhe prêt….
Ajo e di qe ne do t’i veshim.
Ne thilete e perit, pleksen tinez perendimet pa diell.

Nena ankohet se i ndjen kembet e ftohta.
Vish corape leshi , i kam thene,
Por nena mberdhin perseri….
Hurmes i thyhen deget nga rendesa
E po merzitet qe s’ka kush i ha,
por nena nuk harron t’i mbledh ne nje cante .

Nena eshte gjalle,
po me plaket!
Une gjakos kraharorin cdo te premte,

per te mbytur shpirtdhembjen .

….ah moj e mira ime!

Kur te vish neser....

2008-10-21T01:07:00.003+03:00

“Nesër kur te vish,
mos harro
me diell vishu”- Sadik Aliaj

Kur te vish neser,
Eja permes udhes me pisha.
(ti e di sa e dua ate udhe)
Ne kishezen e vogel ndane rruges,
Ku gjithmone rri ndezur nje qiri,
Ndalo,
Ne nderim te shpirtit.
Eja me hap te lehte …
Dhe etjen shuaje ne rrekeza uji, bores se shkrire,
(ti e di sa here e kam falenderuar Krijuesin)
E do te ndihesh i ngopur me natyren,
Pyllit gjethe ndezur.

Kur te vish neser,
Eja i qeshur,
Se me ka mberthyer malli ne gjoks
E s’po di si shkulet,
E kjo buke e perditshme
me eshte e hidhur si trishtimi.
Ndersa gjumi, honi ku te humbas.
Por… Kam frike mos vjen papritur tani,
E une nuk kam asgje te te dhuroj,
Pervec vetmise qe mbreteron sonte ne shpirtin tim
Dhe gjethes qe mblodha mengjesit ne ballkon
Por ti eja,
Kur te duash,
I bukur….

Per tetembedhjetevjecaren greke,Aneta

2008-10-02T00:52:00.006+03:00

Aneta, rri e vogel Aneta,
Nena jote behet merak
per gjinjte marramendes e lazdrues gjer ne shperthim, nen fustan,
e per shkelqimin e diellte ne syte e tu .
Per shpirtin e lire dhe hovin tend vajzeror.
Ule fustanin Anet!
Te duken breckat Aneta!
Mos u rrit kaq shpejt. Oh, Aneta!
Te pafundmet psheretimat e saj…..
Po si lulezove keshtu papritur?

Aneta, me kujtohesh si dje, kur ishe e vogel.
Me pantallonat e shkurtra mbi biciklete
Dhe nenen tende ne dritare qe therriste “kujdes mos rrezohesh, Aneta!”
Ishe vetem nje femije capken,
Me floket e shkurtra, te shpupuritura si djale,
Dhe plot jete…atehere.

Cmendet ajri pas hapit tend tani, vogelushe
Dhe burrat pyesin njeri-tjetrin me sy “ku paskesh qene fshehur kjo zane?”
ndersa zgjon deshirat e tyre me aromen tende te pranverte
dhe triumfin tend femeror.
Ti je e bukur Aneta,
dhe e shkreta nena jote behet merak.

Vogelushe, nuk e di , por
kete mengjes kaq te zymte e vetmitar
te pash te kaloje prane dritares time
me sandalet e kuqe me taka dhe floket e kuqe all
dhe u ndjeva xheloze per ty, per rinine tende
sepse kam qene dhe une tetembedhjete vjec Aneta,
E bukur dhe e kalter si ty
Por me nje ndryshim,
Qe ti s’mund ta kuptosh…
U linda dhe u rrita ne Shqiperi,
ne kohen e burgosjes se shpirtrave…

Ne kishen Stephansdom,tek dera qava...

2008-09-25T11:50:00.003+03:00

...Qava per ate c’ka kisha humbur.
Per qiellin e manushaqte ate muzg
Dhe aromen e tokes se vlaget.
Qava per Marien e drunjte ne prag,
e per shpirtin e saj,
ndeza nje qiri dhe u luta.

Binte shi ne Vjene ate mbremje.
I imet dhe i paqte.
Po si humbem ashtu i dashur, ne Stephansdom platz?
U rigjetem me pas, te dy te hutuar
perballe nje Moxarti te lodhur e plak.
Me kujtohet qe u ule i trembur ne stolin antik
E une t’u vara si degez e keputur kraheve.
Me ze te ulet te thashe:
Ne kishen Stephansdom isha
dhe e lumtur tek dera qava !

Peisazh

2008-09-17T09:21:00.003+03:00

Po zhvishen pemёt e parkut dalëngadalё,
Natyrёs, ndrojtur, i shfaqin hirёsitё,
Shkujdesur shkundin vellot mbi asfalt,
Vjeshta netёve, fshehtas ua puth gjinjtё.

Po mё çmend ky peizazh tradhёtie,
Tek era kreh gjethet nёpёr degё,
S’qenka shumё njё natё dashurie,
Kur njё stinё e tёrё tashmё pret...

Nuk shkohet ne Hene nese nuk di udhen qe te con drejt qiellit

2008-07-29T16:50:00.003+03:00

Keshtu i theva gjymtyret ne nje shkemb
Neper ujerat e qeta te gjirit Toroneo,
nje nate vere korriku
duke ndjekur Henen .
Tre nete qava, se i besova poetit…
Tre nete pa fjetur ne brigjet e Thermaikò.
Atje ku sirenat e fundit, te zhveshura me gjinj te kripur
shlleren te pergjumura reres, ne pritje te Uliksit.
Tre nete vilja vetem yje….
Dhe me kot ti me bindje, se nuk shkohet ne Hene,
nese nuk di udhen qe te con atje.
Por po te kisha flatra, do te ta tregoja une s’i shkohet
drejt qiellit.

Lonestar

2008-07-15T13:15:00.002+03:00

Melodinё tёnde shpirti ma do sonte!
Si njё tel kitare dridhem, Norah, kёtё natё
Mё preke me gishta ku zemra mё cёmbonte:
“My lonestar,where are you up tonight!”

Akordet mё ngjethin trupin tim tё brishtё
Dhe shtohem nё kitarё njё tingull qё dhёmb
Lotёt mё mbytin e njё mjegull e trishtё
Mё lё peng dashurie brёnda zёrit tёnd

Thua nga drita trishtuese qё shpёrndan kitara
Verbohen yjet e vetmuar çdo natё?!
Nёse refrenin Hёna mban diku me lajka
Diku nё dhimbjen time,le shenjё qё mban gjatё.

Sikur...

2008-06-22T23:52:00.004+03:00

Do te behem gjethe e diellte,
E do te vij feshferimthi ne pragun tend,
Muzgut te lagesht vjeshtak.

Do te ngjitem kurmit tend te debult
dhe do te mbeshtetem gjoksit e dritheruar,
Mallin tend me buze te veseta per ta prekur.

Do te behem gjethe, e me pas le te thahem
Mes flokeve te tu, te zinj e te mendafshta.
E kur te ulesh ne stolin e drunjte, i permalluar
Do te ta fshij me gjetheputhje butesisht nje copez re
ne cepin e syrit tend, te ngarkuar.

Ah,me ne fund u munda….
Nje copez shpirt do te jepja,e cfare s’do te jepja
Vec njehere gjethe te isha.

Ndoshta nje dite....

2008-06-09T10:25:00.003+03:00

Do vijё ajo ditё, kur tё plakesh,
Pranё oxhakut, nё dritёn e zjarrit,
Do mё kёrkosh dorёn tё mbahesh,
Dhe sytё e lodhur prej mallit

Do kujtosh pёrsёri ato mbrёmje,
Kur loti tё shkiste mbi buzё,
Kur mё kishe mua zemrёn tёnde,
Shpirtin tёnd dhe pakёz mё shumё.

Një Hёnё nёn vetullёn e hirtё,
Na mblodhi me njё muzg tё zbardhur,
Buzёt tona si strehёt nё dimёr,
Varёn fjalёt rёnkimthi nё akull.

Ndjeva frikё mes puthjesh flakё,
Ndjeva faj unё e gjora, pendim,
Nё tё gdhirё tё priste rrug’ e gjatё,
Qё ndoshta s’do kishte mё kthim

Atёherё do jesh plakur gjithsesi,
Gjithsesi pёr mua do kesh mall,
Do kundrosh një yll nё lartёsi,
Do mё gjesh gjithnjё edhe mё larg.

N’u takofshim atёherё, nuk e di,
Pleqёria, thonё lё gjurmёt e saj,
Nuk do jem mё e bukur si tani,
Po sytё do të jenё po ata....... .

Mund të ndodh gjithçka në pranverë….

2008-03-21T10:11:00.005+02:00

Vajza ime është e dashuruar.
Dashuria e saj ,është ngjyra rozë,
façkave të njoma.
Livadhi i bleruar, në sytë e saj të vestë,
Buzëqeshjet e mëngjesta, të dlirtat,
Që freskojnë qënien time çuditshëm.
Shpengimi i saj vajzëror.
Vajza ime ka flatra.
Dashuria mban emrin e saj.
Unë, gjej çastin të përvidhem
Për të kujtuar veten time të harruar.

……………

Mund të ndodh gjithçka në pranverë…
Dashuritë e para, të kthehen sërish
Në pikëtakimin e dikurshëm.
Më të përmallur se kurrë,
E më të mënçur,
Sepse kurrë nuk i besuan lamtumirës së fundit.

…………………..

Mund të ndodh gjithçka në pranverë…
Sepse në pranverë…….kapet qielli me dorë.

Eja...

2008-03-11T09:42:00.003+02:00

O dashuri e gjithpushtetshme!
O kenga ime qe mureve te kokes endesh
O kenge marroke,e lashte,perse po hesht?
Dil, nga bebez e syrit e mbahu ne qerpik,
E me lishareza lotesh zbrit mbi dunat e trishtimit.
Neper lekuren e bardhe, shperndahu si lot gezimi.
Eja dashuri!
Po te pres si i semuri, sherimin,
Si foshja e sapolindur,gjirin.
……….Vetem eja.

Sikur ta dije vertet....

2008-03-04T10:47:00.005+02:00

“Dhe ndoshta, ti, si bletë

Lëndinës së prillit, një ditë
Do të ulesh....
të shplodhësh krahët mbi petalet e mi”
L.Seiti

Sikur ta dije vertete qe kam lindur,
Stines kur lindin dashurite....,
Vertete do te beheshe lendine e gjelber,
Lulebajame a fije bari,prillit....

Si blete,ndoshta nuk do te vij,kujtimi im,
por si flutur krahëpraruar e majit.
Petalet e shpirtit nje nga nje do t’i cik
Per t’i ngjyer me polenen e mallit.

Dhe do te clodhem me pas sigurisht.
Sigurisht me pas, me nuk do t’jem.
Se fluturat e majit,ti s’mund ta dish,
Krah’ keputen te parin mengjes.

Ndaj mos e lodh penen nder duar,
As syte t’i perhumbesh neper qiell.
Se brenda shpirtit tend te trazuar,
Si nje varg i harruar do t’me gjesh.

Pelegrin,udheve te dashurise

2008-03-03T23:25:00.008+02:00

Te shkruash mik per gjithe te dashurat,
Ato qe deshe e s’te deshen kurre.
Per rrugen,ku dhe te fundit lamtumire,
Te fundit puthje ne buzen e purpurte.

Per kemishen qe shkopesite me nxitim,
dhe gjoksin qe te ngrohu ne bote si askush.
Shkruaj per ate qe e pafundmja fantazi,
te mban peng e te tret mbi vargun ,kerrus

E kush e kuptoi cicerimen e zogut,
Dritherimat tona mik,kush i ndjeu?
Mos o zot,kush endrrat na i rroku!
Ndaj tretu,lirikes qe gjysem te mbeti.

Se shpirtrat tane delikat e te thyeshem,
Per nje gjethe vjeshte pikojne lote.
Dhe dimrin e shikojne shpesh me medyshje,
Pandehin pranvere kur dielli papritur ngroh.

Ere e mbare te qofte ,i miri mik,
Pelegrin i udheve te dashurise.
Ne u takofshim diku, gjithsesi
Mbi nje dallge oqeani do te piqemi.

Mqs e paska fajin lapsi,po defterosem dhe une...

2008-02-28T09:50:00.003+02:00

Belle_fleur,ja ketu me ke. Mos me shani se jeni te share,ok?

1 . Cingarosesh ? – Cdo dhjete min...pfff
2. Ke puthur njeri dy javët e fundit ? – Une puth gjithe diten.
3. Kush qe personi i fundit që të erdh për vizitë? – Komshija,me kërkoi qep.
4. Të ka marrë malli për njeri? – Malli eshte brenda nesh,na ndjek dhe kur s’e kemi mendjen.
5. Me kë do të luftosh? – Luftoj cdo dite me plackat qe kam vesh.
6.Të pëlqen njeri? – Po pakesohet rrethi i atyre qe pëlqej ne te vertete.
7.Kënga që po dëgjon? – Norah Jonnes,Lonestar.
8.Ç’do bësh nesër? – Ate qe do le pergjysem sot.
9.Ke parë tofu? – Me fal per injorancen,me ndriço!
10.Ke ngrënë ndonjëherë? – ......edhe mundet,pa ditur qe eshte tofu.
11.Do të kthehesh në shkollë të mesme? – Kur te piqen rrushte.
12.E ke parë filmin e Britnit? – Me jep kodin,ta shkarkoj.
13.Ç’bëre dje?- Shume pune,per asgje.
14.Me kë vozite herën e fundit ? – llaf edhe kjo...lol
15.Je e lodhur?- Keshtu ndihem cdo mengjes,po nuk rrakelleva nje kanate me kafe.
16.Me kë ishe sot? – Ne enderr e ke fjalen?
17.Ku e ke mëmën? – Atje ku me ka le koka.
18.Ç’ngjyrë i ke çorapet? – Te zeza
19. Ç’ngjyrë e ke bluzën? – Fuks
20.Cili është vëndi më i bukur ku ke qenë? – Persosmeria eshte ne natyre,atje e kam gjetur.
21.A mendon se Barbi është një model negativ për vajzat e vogla? – E vetmja negative eshte qe,duhet nje thes me leke per te blere Barbie sa here qe qarkullon model i ri.
22.Sa kohë të duhet për t’u bërë gati për të dalë? – Dalje te parendesishme,5 min.Naten,15-20 min.
23.Ka anije familja jote? – Dhe kjo na duhet..
24.E ke puthur ndonjëherë macen tënde?- Po,cdo dite.
25.Ku ishe më 11.09? –S’mbaj mend.
26.Përshkruaj kompjuterin ku je duke punuar. – Mos me lodh,aman te keqen.Lemsh hesapi.
27.Ke dalë ndonjëherë nga Evropa? – Nga Evropa,nuk kam dale,por verdalle saj.
28. SMS-i fundit që more? – “Me hahet buke...”
29.Të ka rënë ndonjëherë në kokë për ndonjë mësues? – Nuk ka qene ndonje i hajrit per te tilla kokecarje,ndryshe do ta mbaja mend.
30.A thua ndonjë dëshirë në 11:11? – S’kane ore lutjet e mija per realizim dëshirash.
31.Lente apo syze? – Teleskop
32.Pushimet e ardhshme? – Ne Korrik...pu sa larg
33.I bie ndonjë vegle? – Legenit,cdo dite.
34.Ke ndonjë vëth gjëkundi? – Tre cope.
35.Personi i fundit që përqafove? – Perqafimet i kam si buke e djathe.
36.Ç’bëre 24 orët e fundit? – E cfare nuk bera thuaj.
37.Kush të ka nevrikosur sot? – Per pak sa nuk bera gabimin qe te hapja nje email me virus.Shpetova.
38.A shkarkon muzikë? – Me kile.
39.Ka kënduar njeri për ty? – Sikur ta dija...
40.A dashuron njeri? – Sigurisht,nuk do te rroja pa dashuri.
41.Ke kërcyer ndonjëherë si kangur? – Eshte kërcimi im i preferuar.
42.Ke pasur ndonjë antfarm? – Shqip eshte kjo?
43.Të duket se të duan njerëzia? – Jam rritur tashme,per te kuptuar se kush me do.
44.Ku është vendi më i çuditshëm ku ke fjetur? – Nese nuk fle ne krevatin tim,cuditshem eshte per mua kudo.

Sepse dua te me mbash mend te lumtur

2008-02-26T00:10:00.003+02:00

Nuk do t’i lexosh asnjëherë këto që shkruaj.
Ndaj të gjitha rrokatjet e mija,vafshin përtej
dhe ofshamat për të kotën e humbur.
Grindjet e mija që i var çdo ditë me rrobat në tel,
……sepse dua të më mbash mend të lumtur.

E nesër kur të kthehesh në mesditë,
Ti nuk do ta mësosh asnjëherë, që natën,
këndoja me zogjtë këngën e vetmisë.

Mё prit

2008-02-05T11:42:00.000+02:00

Mё prit kur zog’i natёs nis kёngёn e vajit,
Atje tek stoli ynё poshtё pemёs sё blirit,
Kur dielli zemёruar tё fshihet pas malit,
E qielli tё rёndohet me ngjyrёn e hirit.

Mё prit kur shiu mbi supe tё na bjerё,
As mos u anko pёr bluzёn e qullёt.
Tek rrugёza ku putheshim njёherё,
Do tё pёshpёris ёmbёl me zё tё ulёt.

Do ta rrёmbej buzёn me afsh pёrvёlues
Aq sa hёna xheloze tё shuhet mbi to.
Do tё ta kafshoj cepin e saj pёrgjёrues,
Nga puthjet,zjarre ndeztё njё natё si kjo.

Mё prit se ditё nuk do shkojnё shumё,
Deri atёherё njё mal me gjumё na ndan.
Tek stoli ku shiheshim dikur nёn rrugё
Do tё tё pres e pёrmallur njё ndajnatё.

.........

2008-01-31T23:37:00.000+02:00

Tetëmbëdhjetë qirinj ndiz i dashur…
Për të miliontat buzëputhje….
Për ato të ëmblat dhe ato me ngutje,
Për dëshirat, që në shtretër trembëm
E për ëndrrat, që në të kotë i endëm,
Sonte….për të festuar dashurinë.

Vdis zemër, vdis....

2008-01-27T21:25:00.000+02:00

Vdis zemër vdis,
për mjelmën që shket hutuar mbi të ngririn liqen
e për të ftohtin perëndim që ndjell fundshpresën,vdis,
për të njomtën pemë limoni që në kopësht mbolla
dhe sythët që nuk shpërthyen kurrë.

Vdis zemer vdis,
Për të pathënën që u harrua në të çara buzësh
e për qiejt e hirtë të pikëllimit nën qerpik,vdis,
për dashurinë që nuk more e për atë që dhe
e për thërrmimin e shpirtit nga asgjëja.

Vdis zemër vdis,
Për fëmijën e humbur që u mek udhëkryqeve,
për qimen që u bë tra e për tradhëtinë e mikes,vdis,
e në s’tu gjendtë një cop’ varr, bëhu gur.

Sonte do fle me derёn hapur

2008-01-22T09:06:00.000+02:00

Sonte do fle me derёn hapur
Ndezur dhe driten do tё lё
Kёpucёt e harruara, do t’i fsheh
Dashuri,eja kёmbёzbathur!

Do tё shpie nё qiej tё paprekur,
Nё ishuj ku ka vetёm njё stinё,
Si bohemёt, buzё detit do t’pimё
Valёt mbi trupat tanё zhveshur.

Dashuria ime, e thella ti,
mbeta fёmije i perkedhelur
akoma endem si e dehur,
netёve kur nektarin tёnd e pi

E ёmbla ime, dashuri
Nga cili krah i qiellit tё fle?
Andej nga derёn hapur le,
Apo nga hyn papritur ti?

Nёnё moj…

2008-01-18T00:20:00.000+02:00

…si i bёhet plagёs qё mё dhemb!
Plagёs qё s’mё mbyllet
Plagёs qё mё rrjedh….

Bardhoshja ime,
Shpirti im ёshtё nё shpirtin tёnd
Ndaj shikimi mё mbeti prapa
Pёr tё parё sytё e tu tё trishtё
Sytё e tu tё dhёmbshur
Sytё e tu….tё mitё.

Njё pulёbardhё kёlthet nё ajёr,
Nёnё moj,
E unё pёrhumbem qiejve tё mallit.

Per ato qiej te paprekur……..

2008-01-14T00:36:00.000+02:00

...........
"Te braktis per ato qiej te paprekur
Ku pulebardhat vdesin krenarisht
Porse endrrat monopatin e kan’ gjetur
Ndaj folese i kthehem une serisht

Me ler pra te te puth lotin e vaket
permbi mollez,te voglin margaritar.
Dhe ne vdeksha, le te ndodhe tani
gjoksit tend te hijshem djaloshar.

Te te puth edhe te blerten e syrit
kurore buzesh mbi qepalla te te le
Te te them dhe kengen me te bukur
Qe eshte aq e vjeter,aq e re……"

* * *

2008-01-13T10:24:00.000+02:00

Je njё ёndёrr larg
pёr tё t’u afruar….
Si shelg i bukur pikesh buzё liqenit
E unё shoh si degёt tё janё varur nga mёrzija
Si pritja bёhet syth
e lulja nuk arrin te çelet.
Dёshira ime e kahershme…...

Je njё ёndёrr larg
Pёr tё t’u afruar....
E mё thahen rrёkejt e lotёve
Ende nёn qerpik.
E kokrrizat e kripёs
pёrmbytin oazin e syrit tim.
Diellin tim tё blertё,
syrit tim….

foto A.J

Ti nuk mё pe kur qava mbrёmё

2008-01-11T10:55:00.000+02:00

Ti nuk mё pe kur qava mbrёmё
As lotin kur tё ra mbi faqe.
Dhe pёr çudi njё gjysёm hёnё
Mё pikte dhimbjen asaj nate

Ndaj sot kjo heshtje e çuditshme
Mё grish njё tjetёr nat’ pagjumё
Si dy fёmijё tё zemёruar……
Mё shmangesh ti ,tё shmangem unё.

Dhe ndjej shikimin tёnd se si
pёrpin trupin tim si hon.
Ah,por ёshtё ajo shkёndijё,
qё brigjet tona i afron.

Fundi i nje epilogu

2008-01-11T10:32:00.000+02:00

Si i bёhet kur shpirti hesht!
Sonte.....pa mёshirё,
mё tradhёtoi dhe e fundit fjalё.

Nё tё sjelltё ndonjёherё udha pёr tek unё

2008-01-09T19:15:00.000+02:00

Nё tё sjelltё ndonjёherё udha pёr tek unё,
Dhe shtёpiza ime e vjetёr duket pёr sё largu,
Nxitoje hapin mik dhe quaju fatlum,
Paçka se porta ime akoma s’ёshtё e hapur.

Nё avli rrёmbeje shamin’ e mallit nderur
Derёn grindavece flake, shёmbe fare.
Mos pyet pёrqark, jetoj apo kam vdekur,
Por frymёn e mbaj,tek qoshku nё dritare.

Nё tё sjelltё ndonjёherё udha pёr tek unё,
Vitet tradhёtare, prej meje shtyji tutje.
Emrin nё tё thirrsha me zёrin tim tё mekur,
Nё krahё mё rrёmbe, s’do ket’ kohё pёr lutje.

Kur puthjet tё lёshohen me klithma e flakё malli,
Mё shtrёngo pa frikё nё shpirt e nё prehёr,
Mbёshtillmё dhe çmallu me flokun tim prej ari,
Mpleks me tё njё zemёr, pёr ta patur strehёz.

Kur ne.....

2008-01-09T10:10:00.000+02:00

Ajo qante mbi dritaren tonё.
Lotin e saj tё vakёt,
E thithja buzёs tёnde .
Buzёs tёnde tё butё,
Buzёs tёnde tё çmёndur
Kur ne,i ёmbli im,
Kur ne bёnim dashuri….
…….Ajo rrёzohej!
Gjysёm-hёna ime,
Qerpik-ngjitur nё xhamin e avullt.
Kur ne…..bёnim dashuri.

Nё orgazmёn e fundit,
Ndjeva klithmat e njё shpirti nё ikje,
….teksa epshi shpёrthente pёrfundimisht
e shpёrndahej qiellit tё shtatё.
Kur ne shpirt,
kur ne bёnim dashuri.
Unё robin e saj
dhe pengu yt njёkohёsisht.

Mё mungon kaq shumё…..

2008-01-08T22:41:00.000+02:00

Ke ndjerё vetmi ndonjёherё i dashur,
apo shpirtin copёzash tё thёrrmohet?
Dorёn time pranё zemrёs pёr ta patur,
dhe nёnkresa me lotё tё tё njomet?

Ke ndjerё vdekjen sa unё kaq pranё,
buza nga shkёlqim’ i hёnёs tё digjet?
Thuaj nёse vёrtet e ke ndjer’ a parё,
Siç e ndjej shpirtin sonte tё vetёvritet!

Po digjem shpirt ndaj eja thomё…..
Si priten damarёt pёr hir tё dashurisё.
Si gjaku rrjedh ndёr duar,tregomё!
Tё paudhёt,ne tё marrёt e njerёzisё.

Mё mungon kaq shumё e tё ndjej
Gjithçka qё dua sonte je vetёm ti
Yll i largёt je nё qiell e s’tё gjej….
U çmendka njeriu nё dashuri..?

Ne tё dy…

2008-01-08T09:05:00.000+02:00

Ne heshtim shpesh kur jemi pranё
Si zogj tё lodhur mbi njё degё
Dhe druaj tё tё them njё fjalё
tё jap njё puthje a tё tё prek....

Pa hё, ç’i thonё kёsaj, i dashur,
Tё jemi bashkё e tё mos jemi.
U dashka njёri larg tё jetё,
Pёr tё kuptuar ç’kishim, ç’kemi.

Dhe harrojmё pёr pak tё ftohtin,
Tek ngrohemi nё tё mallit flakё.
Dashuris’ i ngremё njё tempull,
Pёr ta shembur, ngritur prapё.

Simfonia e fundit

2008-01-08T08:39:00.000+02:00

Ana,
kujdesu per mua,
krihmi floket me gishterinjte e holle,
se per ty kam krijuar nje himn.
Eja, láme per te fundit here
dhe e dashur…..falme
Sic ti fal shiun kur gjethet rrezon ne toke(padashur).
Ne sirtar eshte nje fletore,
Hape ne faqen e fundit dhe kendoje pa ze.
Pranoje si dhurate,
Pastaj thuame nese i mungon dicka
qe te jete e persosur.
Ana…,
ne pjate,nje molle prêt per ta qeruar.Qeroje ti!
Ne vazo,lulja etet per pak uje.Ujite ti!
Shallin e bardhe,dy stine pa u veshur,vishe ti!
Dhe tani hape dritaren e dashur,
Te shijoj melodine e pyllit teksa zhvishet kesaj stine.
Oh,ne koken time ka vec heshtje.
E ndjen vibrimin e ajrit?
Eshte fryma e Zotit
Fytyra jote,shembelltyra e Tij!
Kam qene i humbur pa ty,Ana
Mjeran si nje i verber
Hutaq si nje i shurdher.
Ana….,
Qeni po angullin,
Paralajmeron shtegetimin e shpirtit.
Po c’ka pertej pyllit Ana…?

Kur telat e shpirtit tё janё prekur

2008-01-07T23:15:00.000+02:00

Ah ,dritat e shpirtit t’i shfaqja ndanё njё bregu,
Tutje nё tё kaltёr rrez’ e fundit tek pёrshёndet,
Buzёve, ndёrsa varet njё dёshirё, (degё shelgu)
Fёshfёritёse, njё cop’ qiell mbi supe tё ta derdh

Lёrmё, nёn zё, tё qaj nё krahun tёnd tё fortё,
E lotёt me njё gjethe m’i fshi oh, pa merak.
Nё humbshim ndonjёherё nga kjo e vogёl botё,
Nuk qemё veç lule vjeshte, harruar tek njё park.

Ah, dritat e shpirtit t’i shfaqja ndanё njё bregu.
Ti quamё budallaçkё,sirena ime e gjorё
E ç’dashka njё shpirt kur telat i janё prekur?
Njё dridhje,ledhatim,mbёshtetje tek njё dorё...

ELVIS

2008-01-07T17:59:00.000+02:00

Se nuk e ngope kurrё barkun me bukё
E nёna tё jepte akoma sisёn e shteruar
Veç tё prekje pak dashurinё e saj me buzё
E gjumi trokiste ёmbёl, zemrёs sё drithёruar

Tek tё shoh tani burrё, pikojnё kujtimet,
Me qahet i vogli im, mё qahet...
Ishin kohё tё vёshtira atёherё pёr jetimёt
Oh, gjoksi nga dhimbja sa s’çahet

Tё kujtohet biçikleta e vjetёr pa pedale?
Po karroca prej dёrrase me guzhineta ?
Derёn qё shqelmoje mёngjeseve: Nёna hape !
I vogli im,sa e pashpirt qёnka jeta...

Mos qaj, mё thua e lotёt m’i fshin me pёrkёdhelje,
Po ç’ti bёj mallit qё nuk u pёrmbakam dot,
Se u rrite engjёllushi im me halle e derte
Dhe mallёngjehem tek burrё tё shoh sot...

Une....

2008-01-07T08:41:00.000+02:00

…..mund tё tё mbaj njё jetё
Kёshtu....shtrёnguar nё gji.
Kur tё tё lёshoj...
Plakur do tё jem,
Atёherё mё mbaj shtrёnguar ti.

Se kur tё vdesim,kushedi
nё ç’vёnde varret do t’na i venё.

Lojё dashurie

2008-01-06T13:05:00.000+02:00

Dy qirinj tё ndezur, pranё,
Pranё, thuajse ngjitur.
Ah, dy flakёt drithёruese,
Puthen, puthen, pёr tё ndritur.

Mё pёlqen kjo puthje flakёsh,
Si dy shpirtra tё uritur,
ç’kёnaqёsi, me shpirt tё japёsh,
dashuri, si i parritur...

Kёrkomё tek ndonjё varg

2008-01-06T11:59:00.000+02:00

Nёse pik’ e lotit mbi letёr s’ёshtё tharё,
Dhe gёrmat pёrmbi tё ,vijnё e zbehen
Puthi fjalёt e shkruara,sa mё parё,
Se nё ujёvarё malli, loti kthehet.

Nёse mundohesh tё gjesh gishtat delikatё,
Mbi gjurmё dridhjesh letrёs sё shkruar,
Shiko si pёrkulen tё pabindurat,fjalёt
Si degёt e lisit prej bore rёnduar.

Nёse diku ndonjё varg vjen pёrgjysmё,
Pikё a presje diku nё s’kam vёnё,
Tё lutem, shpirt, mos i lodh sytё
Do ket’ qёnё mesnatё, gdhinte e Hёnё.

Nёse i lexon dikur, ti malli im i largёt,
Vargjet e mi rebelё nёn njё rimё,
Mёso se rrija netёve nёn dritёn e pakёt,
E kёrrusur mbi letёr, gёrvishja vetminё...

Ju rrёfej kёngёn e plakut Duk pёr njё cigankё

2008-01-06T11:09:00.000+02:00

“Eja tё tё fsheh nё pyllin mё tё dёndur
Ciganka ime,e bukura Dalina
E nёn pemёn e bajames,
Pёr tё parёn herё tё shoh hijeshin
E lёkurёs tёnde tё thekur
Se je e imja,e imja.e imja….

O shpirt i çmendur,mё i çmendur se era
Bёmё njё me shpirtin tёnd bredharak.
Se s’ёsht’ e thёnё tё ndihem kёshtu ngahera,
Pёr njё grimё lumturie jeta ёshtё kaq pak.

Eja ciganka ime,o yll i sapo rёnё
Kёmbёzbathura ime, belthyer,trupёpakta.
Gushёs tёnde do lё shenjё hёnёn e ngrёnё
E gjoksit tёnd perfekt puthjet mё tё gjakta.”

Harrome........

2008-01-06T10:17:00.000+02:00

Harromё

(reflektim nga “Kiss” e G.Klimt)

Harroji mesnetёt nёn dritёn e qirinjve
Dhe gotat e verёs kur toknim tё dy bashkё
Harroji gishtat nёn kёmishёn e mёndafshtё
Kur pёrkёdhelnin thithkat e çmendura tё gjinjve

Harroji pёshpёrimat ndezёse gjith’ afsh
Dhe klithmat e pafundme tё harbimit.
Puthjen e fundit kur lёshoje nё flokёt e gjatё
Harroje,dhe tё parёn puthje tё zgjimit .

Vdekja e Muzes

2008-01-06T09:47:00.000+02:00

Muza i dashur,Muza!Po mё vdes,
E buzёve stalaktit mё varet.
Ndjej kёmbanёn e shpirtit tё bjerё
hidhur,e gjaku kapilarёve tё pёrplaset

Mё rёnkon mbi supe si hёn’ e zbehtё
Ashtu e lehtё,e trishtё,tё druhet
teksa fundin i shoh,trupin mё ngjeth,
E gjurmёve nga pat erdhur tё shuhet.

Ndihmomё i dashur,muza po mё vdes
Ndihmomё se padashje e vrava……
Tempujt qё i ngrija dashurisё,tё zjarrta
rrёnojat do t’i lagin shirat nё vjeshtё.

Tё presim...

2008-01-06T08:06:00.000+02:00

Tё presim...shpirt- aq sa ёshtё e thёnё-
Deri kur do ta durojmё kёtё flakё qё tё zhurit?
Nёse ndodh i dashur qё mё par’ tё digjesh ti,
Me pishtar do ta ndjek udhёn...e hirit tёnd.

E para nёse digjem unё……pa frikё,
lёshomё diku, nё njё tё heshtur vёnd.
Por….nёse digjemi tё dy njёherёsh,
altarit tonё le t’rrёfehen dashuritё!

Ёshtё stinё dashurie pranvera i dashur

2008-01-04T22:18:00.000+02:00

Prit pak tё mbyllim grilat dhe perdet
T’u fshihemi syve kureshtare
T’i fshihemi dhe Hёnёs qё ka tё ngjarё
Sonte nga epshi yne tё çmendet

Kam ruajtur tё nxehta buzёt dhe gjinjtё
Qirinjtё e ndezur si me parё
Nё bёfshim zhurmё qent’ kalimtarё
do themi,zgjuar le tё rrijnё komshinjtё

Prit pak tё mbyllim grilat dhe perdet
Fike dritёn e bjer mbi mua
Mjafton flaka e pёshpёrimave tё tua
Pёr tё ndjerё dashurinё qё nё ajёr endet

Terapi pёr mё shumё (se njё) sёmundje

2008-01-04T09:27:00.000+02:00

Kapsulat e kuqe - pёr stomakun.
Tё verdhat - pёr dhimbjen e kokёs.
Pёr dhimbjen e krahut - jeshilet,
tё blujtat - pёr krizat e moshёs.
Tё bardhat- pёr gjumё tё lehtё,
dhe tё kaftat - pёr jashtёqitjen!
-Po pёr shpirtin doktor,
pёr shpirtin,ç’do t’mё japёsh?

Ajo ishte njё kitarё

2008-01-02T23:25:00.000+02:00

Ajo...ishte njё kitarё,
Herё e heshtur lёnё te njё qoshk,
Herё çbrengosje e shpirtrave tё vrarё.

Ishte pra njё kitarё,
Herё tel-kёputur,
Herё me tinguj fluturakё.

Ajo ishte veçse njё kitarё,
Qeshte e qante
Me çdo kёngёtar.

Sa lot,
Sa lot u derdhёn,
Mbi trupin e saj!

Dehje

2008-01-02T22:46:00.000+02:00

Puthmё i dashur, gjersa tё arrish
Nё shpirtin qё thellё mё rreh.
Ajo ёshtё vera qё pi, ta dish,
Dhe ti je malli qё mё deh !

Puthmё, tё fle nё ёndёrrime,
Ankthet e jetёs hiç mos dёgjo
Nёse lё ca gjurmё kafshimesh,
Diell do t’bёhem, tё shuhem nёn to...

Kur ti shkon ...

2008-01-02T18:59:00.000+02:00

… i dashur, e di!
Pёrsёri, do tё kthehesh,
Dhe shtratit tonё
do t’i kem ndёrruar çarçafёt.

Nё qoftё dimёr,
Do tё jenё ngjyrё blu,
E ne do t’lundrojmё kёtij oqeani,

Pambarimisht do lundrojmё,
Pёr vela do tё kemi zemrat tona.
Por jastёkёt do jenё gjithnjё,
Tё kuq si dielli nё fundgushti.

Nё qoftё vjeshtё, i dashur,
Çarçafёt do tё jenё portokalli.
Portokalli dhe jastёkёt.
Gjethe,do tё bёhen pёshpёrimat tona,
Atёherё kur tё gjithё flenё.

Nё qoftё behar,
çarçafёt do tё jenё tё gjelbёrt,
Pёr tё kujtuar livadhet, i dashur, livadhet,
Ku rrokulliseshim si fλmijё tё hazdisur.
Ishim akoma tё parritur atёherё...
Jastёkёt do tё jenё ngjyrё jargavani,
Si lulet qё nёna mbillte nё oborr.

Tani ёshtё vjeshtё, i dashur,
ёshtё vjeshtё dhe pres,
Nёn çarçafёt e ngrohtё,
Ngjyrё portokalli...

Jam ajo qё ty tё lё pa gjumё

2008-01-02T09:45:00.000+02:00

Jam unё ajo,
qё ty tё lё pa gjumё?
Atёherё…..atёherё shtrёngomё.
Se jam deti e ti lumi ,
qё derdhesh furishёm tek unё

Unё..…..
do tё lёshoj zemrёn time gjoksit tёnd
Pastaj…..
Shshshsht….
Gjithçka e merr me mёnd
Se jam unё ajo qё ty tё lё pa gjumё.
Jam drita e beftё e agimit.
Marramёndje, a diçka mё shumё

Ah,valё e nxehtё buza jote e pёrmallur.
E trupi im…..trupi im lehtazi harkohet,
Si ylber nё gjysёm errёsirё,
dhe shkrihet afshit tёnd tё papёrmbajtur.
Se jam unё ajo qё ty tё lё pa gjumё!

Do tё iki….

2008-01-02T00:08:00.000+02:00

Do tё iki,dhe do tё mbeten zogjtё
Me kёngё nё gojё.
(H.R.Himenes)

Do tё iki,
Dhe shi i imёt do tё bjerё.
Nёpёr flokёt e lagura,
Lisharёsa pikёllimi.
Kujtim i pёrhimtё do tё flerё.

Do tё iki...
Pa e parё diellin
tё pёrhumbet lodhshёm,
Nё krahёt mallёngjyes tё muzgut,
Pa e parё hёnёn e brishtё vetullhark.

Por ti mos qaj!
Engjёjt krahёkёputur
nuk shkojnё shumё larg.

Vershim

2008-01-01T23:55:00.000+02:00

Ti sot,erdhe i buzёqeshur
Mё rrёmbeve nё krahё
Mё zhveshe nxitimthi
Dhe….
vetёm puthje,puthje.
U ndezёm si zjarr
Duhej shojtur ky zjarr
Dhe…
vetёm puthje,puthje
Morёm flakё tё dy
U harruam aty
Dhe….
vetёm puthje,puthje.

(Seç kishe njё shije tё kripur sot,
qё tretej nёpёr buzё e trup.)

Ti do tё rilindёsh pёrsёri.....

2008-01-01T23:44:00.000+02:00

I ndjej ngashёrimet e tua vjeshtё,
ndёrsa mbledh parkut copёzat e fundit tёnd.
Por hesht …..
Se do t’i mbjell sonte nё ndonjё vresht!
E pafajshme,stina qё mё dhёmb.

Nё rruginat e Vardarit

2008-01-01T23:37:00.000+02:00

Nё kalofsh rastёsisht nё rruginat e Vardarit,
Natёs sё dimrit, erё e fortё fryn e thёllim
Nё thёnçin lypsarёt “çdo kёtej ky i marri?”
Qeshu dhe thuaj ”Me prostitutёn kam takim!”

Do tё lakmojnё sy tё ndezur si thёngjij,
Me fytyra tё errёta rrёmbyer nga mesnata.
Mendo se janё hije tё vdekurish, mos ki frikё
Se shpirtrat kёtu ngjallen kur vellon hedh nata

Nё fund tё rrugicёs nё tё dalё sheh paralinё*
Tё deh aroma,valёt pranё teje shkumbёzojnё
Medet ,do mendosh,mos vallё njё ёndёrr ish,
Apo varrezat brёnda nё qytet kёtu ndёrtojnë ?

Portit pёr sё largu ku anijet flenё,
Shkarazi do t’i hedhёsh njё sy, a ndoshta fare,
Nёse gjen njё stol tё thyer nga ndonjё brengё,
Mbёshtetu e ndiz me Hёnёn një cigare.

bregdeti*

Poezi e perkthyer-Fernando Pessoa

2007-11-26T00:38:00.002+02:00

Fernando Pessoa

1888-1935

Fernando Pessoa lindi ne Lisbone,mё 13 Qershor 1888.
Ne moshen 5 vjec humbet babain e tij dhe dy vjet me vone zhvendoset ne Darban te Afrikes se Veriut,ku nёna e tij atje takon dhe bashkeshortin e saj te ardhshem,konsullin e Portugalise. I vogli Fernando, regjistrohet ne shkollen e Murgjerve Irlandes, ku mesimet ishin ne gjuhen angleze.
Ne moshen 17 vjec kthehet ne Portugali dhe studion ne degen e Filologjise,por vetem per tetё muaj. Fillon pune ne nje kompani import-eksporti ne posten tregetare,ne anglisht dhe frengjisht.Ne Lisbone banon vazhdimisht ne shtepite e te aferme te tij ose ne dhoma te marra me qera.. Aktiviteti i tij publik eshte shume i kufizuar dhe jeta e tij erotike pothuajse e paekzistueshme. Ka nje lidhje te vetme dashurie,te forte por te shpejte,me Ofelia Querioz,qe eshte dhe sekretare ne te njejten kompani.
Pessoa fillon te shkruaj ne nje moshe relativisht te re dhe publikon gjate periudhes se jetes se tij te shpejte kater vellime me poezi,tre ne anglisht.Vepra e tij pergjithesisht shtrihet ne poezi,perfshin gjithashtu dhe prozen,vepra teatrale,shkrime filozofike dhe teorike,perkthime,shenime kritike etj. Zakonisht shkruante ne bllok shenimesh,neper copeza letrash,ne katalogje kafenesh,akoma dhe ne mes rrjeshtash te shkrimeve te tij. Per kete arsye,pjese e vepres se tij qe perbehet nga 25.426 shkrime,nuk ka pare akoma driten e botimit.
Eshte kozmopolit dhe i vetmuar,i ndjeshem dhe cinik,nacionalist dhe mistik,klasik dhe barok.
Poezia per te eshte jeta vete. Por nje jete e tija,qe i lejon te shoh detin,qiellin,diellin,pemet,lulet,sic do ai t’i shoh:me syte e tij. Realisht. Te jetoj vetem,pa deshira,pa ambicie. Sepse sic shkruante….

Era fryn pa e ditur
Lulja jeton pa e ditur
Gjithashtu dhe unë,pa ditur jetoj,por di se jetoj.

Dhe:

Për mua poezia nuk është ambicie
Por mënyra për të qëndruar gjithmonë vetëm.

Ne 30 Nentor 1935,ne spitalin e Sao Luis de Franceses te Lisbones,Pessoa vdes ne moshen 47 vjec.

Pessoa dhe “personat” e ngjashem me te(eteronim).

Pessoa eshte i njohur per personalitetin e tij te shumfishte ose per pseudonimet e tij. Permenden te pakten 72 persona(pseudonime),emrat e te cileve i perdori per te firmosur veprat e tij. Me te njohurit jane, Alexander Search,Alberto Caeiro,Ricardo Reis,Alvaro de Campos dhe Bernando Soares.
Te gjithe keta ishin “Uni tjeter i tij”.
Rreth idese se kesaj shprehjeje shumefytyresie,ndoshta u frymezua dhe nga emri i tij:Pessoa ne portugalisht do te thote “fytyre”.

1

Degjo Dezi:kur te vdes,do te duhet
t’iu thuash miqve ne Londer,
edhe nese nuk ndjen asgje,
se sa te ben te vuash,humbja ime.

Pastaj te shkosh ne York,atje ku thua se linde,
(nuk besoj asgje nga c’thua),
t’i thuash atij djaloshit fukara,
qe kaq momente te bukura me dhuroi,(por sigurisht
ti nuk do dish asgje per kete),
a,t’i thuash se kam vdekur.

Dhe ai qe mendoja se kaq shume me deshi,
do te tregohet indiferent….pastaj,lajmin
shko e thuaj tek ajo vajza e cuditshme,Sesilia,
e cila besonte se nje dite do te behesha i madh…
E marrte dreqi jeten dhe te gjithe bashke me te…..

2

Lidia,
kur vjeshta tё vij,
bashkё me dimrin qё sjell me vete,
njё mendim le ta ruajmё.
Jo pёr pranverёn e ardhshme
qё ёshtё pёr tё tjerёt,
as pёr verёn qё pёr ne ka vdekur.
Po pёr atё qё mbeti nga ç’kaloi:
E verdha qё kanё gjethet tani
Dhe kaq ndryshe duken.

3

Lidia,eja, ulu me mua ne buze te lumit.
Te shohim qetesisht rrjedhen e tij dhe
se si jeta shkon,e ne duart nuk i kemi te pleksura.
(Le t’i pleksim)

Pastaj te mendojme,femije te rritur,se jeta
shkon pa lene asgje,dhe kurre nuk kthehet.
Derdhet ne nje det te larget,prane Hadit*,
Dhe nga perendite me larg.

Le te pleksim duart perseri,nuk ja vlen mundimi.
Te lumtur ose jo,le te percapemi si lumi.
Eshte me mire te kalosh qetesisht.
Pa shqetesime te medha.

Pa dashuri,urrejtje ose pasione qe egersojne shpirtin,
Pa xhelozi qe revolton shikimin,
As perkujdesje,sepse cfare do qe te besh,
Lumi gjithmone do te rrjedh,
Dhe gjithmone do derdhet ne det..

Le te dashurohemi qetesisht,
vetem duke menduar se si do te mundeshim,nese donim,
te shkembejme puthje,perqafime dhe perkedhelje.
Me mire,te qendrojme te ulur,prane njeri-tjetrit,
Duke degjuar e pare lumin qe rrjedh.
(…..)

12/6/1914

*perendia e nentokes(mit.)

4

Jeta eshte e njejte cdo dite.
Ajo qe shkon,Lidia,
nga kjo qe jemi
dhe qe nuk jemi,
gjithashtu shkon.
Fruti kalbet dhe bie
dhe nese kurre s'e ke keputur.
Dhe fati qe kerkojme,qe shpresojme,po ashtu.

Fati sot,destine e perhershme.
Dhe ne te dyja anet e monedhes,
e larget dhe e pafitueshme.

5

Tё gjitha letrat e dashurisё,janё qesharake
Nuk do ishin letra dashurie nёse qesharake nuk do ishin.

Nё kohёn time,shkrojta dhe unё letra dashurie
Siç dhe tё tjerёt.
Qesharake.

Letrat e dashurisё,nёse dashuria ekziston
Duhet tё jenё qesharake.

Por nё tё vёrtetё,
Vetёm ata qё nuk shkrojtёn
Letra dashurie
Janё qesharakё.

Sikur tё mundesha tё kthehesha prapa,
Atёherё kur shkruaja letra dashurie
Pa menduar.
Sa qesharake ёshtё….

E vёrteta ёshtё,qё sot
Vetёm kujtimet e mija
Nga letrat e dashurisё janё qesharake.

(Tё gjitha fjalёt shumёrrokёshe,
Me ndjenjat e panumёrta,
Natyrisht qё janё qesharake.)

6

Sa maska dhe sa te tjera

mbi fytyren e shpirtit veshim;

Valle,kur per shaka shpirti masken deshiron te heq,

a e di se keshtu lejon fytyren t'i duket lakuriq?

Maska e vertete,nuk ndjen asgje poshte maskes.

Por sheh permes saj,me sy te fshehur.

7

Jeta na jetoi dhe jo ne jeten.
Ne,porsi bletet kur thithin nje gllenjke,

pame,folem dhe morem.

Ne vazhdimesi pemet u rriten.

Perendite i deshem

sic hutohemi pas nje varke.

Ikem pa ndergjegje,pikerisht sic jetuam.

8

Bie shi ngadale

dhe shiu eshte memec,

Nuk ben zhurme,bie ngadale.

Qielli fle.

Kur shpirti vetmohet

padijeni,ndjenja eshte e verber.

Bie shi.Veten time(ky qe jam)refuzoj.

Eshte kaq bukur te degjosh kete shi(rete nuk ekzistojne)

qe ngjan me shi

por nuk eshte:vetem peshperime

ku vetvetiu harrohet pak para se te forcohet.

Bie shi. Asgje nuk me ndreq....

Era nuk fryn,qielli ngjan i paqendrueshem.

Bie shi larg dhe i pakuptimte.

Si dicka e sigurte qe na thote genjeshtra.

Bie shi. Asgje nuk ndjej.

2/10/1933

9

Paçe a la porto

Nje dite,ne nje restorant,jashte kohe dhe vendi
me serviren dashurine,si te ishte paçe e ftohte.
Sjellshem i thashe kuzhinierit
qe e preferoja te nxehte
sepse paçja(a la porto)kurre e ftohte nuk hahet.

U nevrikosen me mua.
Te drejten tende s'e gjen kurre as ne nje restorant.
Nuk hengra,asgje tjeter nuk porosita,pagova.
Dhe vendosa te shetis ne rruge.

Kush dreqin e di se cdo te thote kjo;
Nuk e di,dhe me ndodhi mua.....

(E di mire qe ne vitet e femijerise te secilit,
ekzistonte nje kopesht,
publik,privat,i komshiut.
Di mire qe loja jone,atehere ishte pronari i tij,
dhe se ajo melankoli,i perket te sotmes.)

E di shume mire.
Por nese une kerkova dashurine,
perse me ofruan paçe
a la porto;

Kjo pjate nuk hahet e ftohte,
megjithate te ftohte ma sollen.
Nuk u ankova,por ishte e ftohte.
E ftohte nuk hahet kurre,por e ftohte arriti.

10

Doreheqje

Merrme ne duart e tua,nate shekullore

dhe quame birin tend.

Une jam mbreti

qe me deshiren time,

braktisa fronin e endrrave dhe mundimeve.

Shpaten time,e rende per duar te dobeta,

ne duar te qeta dhe burrerore e dorezova.

Kuroren time dhe pushtetin

i leshova copezash ne nje kthine.

Stoline time,kaq te pavlefshme

dhe kembezat me tringellimen e parendesishme

i hodha ne shkallen e ftohte.

Braktisa titullin mbreteror,trup e shpirt

dhe u ktheva ne lashtesi,nate e paqte.

Si nje peisazh qe vdes ne agim.

11

Qesh pa te njohur askush

dhe dielli vezullon floket e tu.

Perse ndodh kjo,

per t'u ndjere te lumtur?

Nuk mund te dime si jemi?

23/9/1932

12

Heshtje absolute ne qytetin e vjeter.

Bari mbin atje ku s'ekziston kujtimi.

Ne qe pertypemi zhurmshem,

jemi grimca rere.

Historia eshte thene.

Nuk degjohen me thundrat e largeta te kuajve.

Drita e fundit e shtepise,po shuhet.

13

Ndoshta kjo të jetë dita e fundit
E jetës time.
Dorën e djathtë, e ngrita për të
Përshëndetur diellin,
Por nuk e përshëndeta për lamtumirë.
Isha i gëzuar,
Që munda ta shoh edhe njëherë
- kjo ishte e gjitha.

Cikli është marrë nga libri me përmbledhje poetike-FERNANDO PESSOA- ΠΟΙΗΜΑΤΑ.

Përktheu nga greqishtja Ardita Jatru